Dit is heerlike lente en dit beteken die seilseisoen het amptelik begin. Ek het laas naweek vir die eerste keer aan die Big Boat Regatta op die Vaaldam deelgeneem. Ons het op Sea Quill – ‘n Stadt 34 deelgeneem. Sea Quill is in ‘n uitmuntende toestand en dit was ‘n plesier om op haar te seil.Die bemanning was vyf mans en ‘n dame sterk.

Ons is besig om in te haal

Alhoewel dit ‘n bietjie koud was, het die son darem die heeltyd geskyn en meer belangrik nog, die wind het die heeltyd gewaai. Toe die resies Sondag begin was dit maar 14 grade Celsius. Die wind was amper perfek vir albei dae van die regatta.

Volle konsentrasie

Die regatta was op Saterdag en Sondag gehou. Saterdag se resies het ons ‘n groot taktiese fout gemaak en amper laaste in die klas gekom, maar Sondag het dit baie beter gegaan selfs al het die meerderheid bemanning erg kopseer gehad. Sondag het almal aan boort geweet wat om te doen, en wanneer om dit te doen. Ons het amper foutloos om die roete geseil. Dit was eintlik jammer die roete was so kort gewees, want ons het begin om al die ander bote in te haal.

Calvin besig met verstillings op die jib

Sea Quill is nou nie eintlik ‘n resies masjien nie. Aan boort is daar ‘n TV, mikrogolfoond, ‘n Wynversameling wat uit ten minste 10 bottels rooiwyn en nog meer witwyn bestaan. Daar was 300 liter diesel aan boort en 100 liter water. Sea-Quill het natuurlik aan al die ander behoeftes kon voorsien soos koue bier en lekker toebroodjies gedurende die regatta.

Captain Morgan (Peter) is aan boord

Ons het uiteindelik tweede in ons klas geëindig en self ‘n prys gewen. Dit was een van die lekkerste regattas waarin ek nog deelgeneem het!