As ek weer iets tik is ek Pa

Ons het uiteindelik ‘n doktor hier gesien en ons weet nou wanneer die operasie gaan wees. Drie uur is dit tyd. Die operasie duur sowat ‘n uur. Ek sê solank dankie aan almal wat aan ons dink en vir ons bid. Ek moet nou my ‘scrubs’ gaan aantrek en foto’s neem. Sal van ons laat hoor as die operasie klaar is.

Karla is oppad – Vandag!

Na vanoggend se besoek aan die dokter het hy voorgestel Ester moet dadelik ‘n keiser kry. Ons het dit nie regtig verwag nie en nou is ons ‘n week vroeër hier as wat ons wou. Ek en Ester is albei senuweeagtig en ons het geen idee wat om te verwag nie.  Ons weet eintlik nie eers hoe laat die operasie is nie. Ons is darem al ingeteken by die Hospitaal. Ek sal so gou moontlik nog foto’s oplaai. Hou my blog dop en onthou los ‘n boodskap!

Ester

Ester

Ontmoet Karla

Ek kan nie glo hoe gou die tyd verby gaan nie. Op die 17de Maart het ons uitgevind dat ons uiteindelik gaan ouers word. Met elke skandering het ons kleinding verander van ‘n kolletjie na ‘n baba. Op die 9de Junie het ons uitgevind dit is ‘n dogtertjie, Karla.

Ek het Karla vir die eerste keer voel beweeg op die 3de Julie, nou voel ek haar baie, partymaal is sy baie besig en ander kere is dit net so ‘n sweempie van beweging. Ek is heeltyd bewus van die groeiende klein mensie.

Vandag was ons 20 weke besoek by die dokter en alles lyk goed, sy groei mooi en weeg al 450g. (amper ‘n blokkie margarien). Ons is baie opgewonde en dit is nog net 20 weke (dalk minder) voordat ons, ons klein Karla kan vashou, liefde kan gee en leer ken.

Klik hier vir karla se eerste Video –  Karla se video.